Polislər ikinci bir partlayış ehtimalına qarşı təhlükəsizlik tədbirlərini gücləndiriblər
İstanbulda kamikadzenin törətdiyi partlayışı nəticəsində 1 nəfər ölüb. Türkiyə mətbuatının yaydığı məlumata görə, İstanbulun Sancaktepe rayonu Akpınar məhəlləsində yerli vaxtla saat 23.30-da (Bakı vaxtıyla 01.30) naməlum şəxs üstündə quraşdırılmış partlayıcı qurğunu partladıb. Partlayış nəticəsində sadəcə hadisəni törədən şəxs parçalanaraq ölüb.
Şahidlər partlayışdan sonra hadisə yerindən ikinci bir şəxsin qaçaraq uzaqlaşdığını görüb.Hadisə yerinə dərhal polislər gəlib və ikinci bir partlayış ehtimalına qarşı təhlükəsizlik tədbirlərini gücləndiriblər. Hazırda hadisə yerində faktla bağlı araşdırmalar davam edir.