Yaxtada 24 qonaq kayutu, cakuzi otaqları, iki üzmə hovuzu, həmçinin orzuolunmaz qonaqlar üçün radar, raket və lazer sistemləri mövcuddur
İslamazeri.az İnternet Qəzetinin Rusiya mediasına istinadən verdiyi xəbərə görə, "Chelsea" futbol klubunun sahibi milyonçu Roman Abramoviçə aid yaxta hazırda dünyanın ən bahalı yaxtası hesab edilir.
163 metr uzunluğunda olan yaxta "Eclipse" adlandırılır.
Bu yaxta hətta daha öncəki dünya rekordunun sahibi olan Dubay şeyxi Şeyx Məhəmmədin yaxtasından da 11 metr uzundur.
13 min ton ağırlığında olan bu yaxtada 24 qonaq kayutu, cakuzi otaqları, iki üzmə hovuzu mövcuddur.
70 nəfərlik bir personal tərəfindən xidmət göstərilən bu yaxtanın illik saxlanma xərcləri 60 milyon dollar dəyərindədir.
Gəmiyə dəvət olunanlar helikopter və ya sualtı gəmi və katerlərlə gələ bilərlər.
Lakin arzuolunmaz qonaqların yaxtaya yaxınlaşması belə mümkün deyil.
Yaxtanın üzərində olan uzaqməsafəli radarlar ətrafda olan potensial təhlükələri aşakara çıxarır və gəmidə quraşdırılmış raket sistemi ehtiyac yarandıqda hədəfi məhv edir.
Bundan başqa yaxtada quraşdırılmış xüsusi lazer sistemi ətrafdakı jurnalistləri uzaqlaşdırmaq üçün nəzərdə tutulub.
Belə ki, ətrafda şəkil çəkilməsini hiss edən ağıllı lazer sitemi dərhal həmin istiqamətə güclü işıq vurur və şəklin çəkilməsinin qarşısını alır.
islamazeri.az