اَللّهُمَّ كُنْ لِوَلِيِّكَ الْحُجَّةِ بْنِ الْحَسَنِ صَلَواتُكَ عَلَيْهِ وَعَلى آبائِهِ في هذِهِ السّاعَةِ وَفي كُلِّ ساعَةٍ وَلِيّاً وَحافِظاً وَقائِداً وَناصِراً وَدَليلاً وَعَيْناً حَتّى تُسْكِنَهُ أَرْضَكَ طَوْعاً وَتُمَتِّعَهُ فيها طَويلاً
Bugün: 23.02.2012, 1 Rəbiyül-axır 1433

"Twitter" mesajları ölkədən asılı olaraq bloklaya bilər

Yayım Tarixi: 27.01.2012 18:12
Texnologiya
Yazı ölçüsü: büyüt küçült         
haber
Mikrobloqlar saytı Twitter bəyan edib ki, istifadəçilərin məlumatlarını bu və ya digər ölkədə bloklamaq imkanı yaranıb

İslamazeri.az-ın verdiyi xəbərə görə, Twitterin rəsmi bloqunda yazılıb ki, sayt artıq hadisələrə operativ reaksiya vermək və konkret bir ölkədə istifadəçilərin məlumatlarını gizlətmək imkanına malikdir. Ancaq belə məlumatlar Twitterin başqa ölkələrdəki istifadəçiləri üçün açıq olacaq. Buna qədər isə saytın inzibatçıları hər hansı məlumatı Twitterdən pozurdularsa, o, bütün dünyada istifadəçilər üçün görünməz olurdu.

Twitterin bu qərarı onun xidmətinin və auditoriyasının genişləndiyi bir vaxtda açıqlanır. Twitterin rəsmi bloqundan məlum olur ki, bu genişlənmə "ifadə azadlığının konturları barədə fərqli fikirləri olan ölkələrə" də daxil olmaq deməkdir. Bloqda nasist xarakterli materialların qadağan olunduğu Fransa və Almaniya misal göstərilir. "Bu gündən başlayaraq, bizim spesifik ölkədə tvitləri gizlətmək imkanımız var - eyni zamanda həmin tvitlər dünyanın digər hissələri üçün açıq olacaq" - şirkət bloqunda yazıb. BBC-nin texnologiya məsələləri üzrə müxbiri Rory Cellan-Jones deyir ki, Twitter digər sosial şəbəkə saytları, məsələn Facebookla bilrikdə 2011-ci ildə Ərəb Baharından başlayaraq London üsyanlarınadək nümayişlərin təşkilatlanmasında mühüm rol oynayıb.

Ancaq 2011-ci ilin sentyabrında 100 milyon fəal istifadəçisi olan Twitter deyib ki, bu proseslər zamanı yerli qanunlarla söz azadlığını balanslaşdırmaq məcburiyyətində qalıb. Bloqun bəyanatında deyilir ki, bütün ölkələrdə işləmək imkanı məhduddur, çünki "bir çoxlarının fikirləri bizimkindən o qədər fərqlidir ki, biz orada işləyə bilməyəcəyik". Çində Twitter bloklanıb və əvəzində Weibo kimi alternativ saytlar məşhurlaşıb.
islamazeri.az




  

Məlumatdan istifadə etdikdə istinad vacibdir!



Saytı hazırladı artiweb || IE 8+, Firefox 3.6+, Crome 10+, Macromedia Flash, 1024 x 768