Loqotip Pentagram şirkəti tərəfindən Microsoft-un dizayner və marketinq mütəxəssisləri ilə keçirilən müşavirədən sonra hazırlanıb. Yeni loqotip daha çox pəncərələri (Windows) xatırlatmaqla yanaşı tamamilə eyni rəng çalarındadır. Bu, Windows 3.0 çıxandan sonra ötən 22 il müddət ərzində baş verən ən əhəmiyyətli dəyişiklikdir.
Microsoft-un loqotipi dəyişməyə hazırlaşması ilə bağlı şayiələr uzun müddətdir gəzir. Təxminən bir həftə əvvəl internetdə loqotipin təsvirləri görünməyə başlayıb, lakin yalnız indi korporasiya rəsmən onun xarici görünüşünü təsdiq edib.
Xatırladaq ki, Windows 8-in 2012-ci ilin payızında çıxacağı gözlənilir.