İtaliya A Seriyasının son turunda "Milan" - "Napoli" qarşılaşmasının 64-cü dəqiqəsində meydan sahiblərinin futbolçusu Salvatore Aronika rəqib oyunçu Alberto Noçerinonun boğazını sıxıb. "Rossonyerlər"in forvardı Zlatan İbrahimoviç isə buna cavab olaraq Aronikaya şillə vurub. Nəticədə baş hakim Nikola Rizzoli isveçli forvardı meydandan qovub. İtaliya Futbol Federasiyası İntizam Komitəsi bu hərəkətinə görə İbrahimoviçi 3 oyunluq cəzalandırıb. 15 qolla komandasının ən məhsuldar futbolçusu olan "İbrakadabra" növbəti 3 matçda komandasına kömək edə bilməyəcək.